Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
25.07.2017

«Ак Барс» хоккейчысы Данис Зарипов допинг аркасында ярышлардан читләштерелгән

«Ак Барс» хоккей командасы һөҗүмчесе, узган сезонда Континенталь хоккей лигасында Магнитогорскиның «Металлург» клубы өчен чыгыш ясаган Данис Зариповның 2016-2017 елгы сезонда тапшырган допинг-тесты уңай нәтиҗә биргән. Уенчы 2019 елның 22 маена кадәр ярышлардан читләштерелгән. Бу хакта Континенталь хоккей лигасының матбугат хезмәте җиткерде, дип яза «Р-Спорт».

Допинг-контроль 2016-2017 елгы сезонда Халыкара хоккей федерациясе (IIHF) һәм Дөньякүләм допингка каршы агентлык (WADA) белән берлектә үткәрелгән.

Белешмә өчен: Данис Зарипов – Гагарин кубогын 4 тапкыр яулаган бердәнбер уенчы. 6 июльдә ул «Ак Барс» командасы белән ике елга килешү төзеде.


www.tnv.ru - настройся на лучшее! Присоединяйтесь!