Бүген: -- ------ 20-- --:--
О компании Телеканал "ТНВ-Татарстан" Телеканал "ТНВ-Планета" Видеоархив #МИЛЛИПРЕМИЯ2018 Новости Реклама #АЙДАНАТНВ2019
Хәбәрләр тасмасы
29.09.2017

"Ашан" Россиядә интернет аша азык-төлек продуктларын сата башлый

Auchan якын киләчәктә Россия базарында азык-төлек продуктларын сатуны интернет аша тормышка ашырырга планлаштыра, дип яза Интерфакс.

«Безнең бурыч — азык-төлек товарларын сату буенча белгеч булу, интернет-сәүдәдә дә азык-төлек юнәлеше булырга тиеш. Без хәзер нинди шартларда интернет аша азык-төлек товарларын сатуны оештыруны өйрәнәбез», — дип белдергән «Ашан Ритейл Россия» президенты Франсуа Реми.

«Ашан» бакалея азык-төлек товарларын, эчемлек һәм кондитер ризыкларын интернет аша сата башлады. Планда — интернет аша балык, ит, яшелчә һәм җиләк-җимеш кебек азык-төлекне сатуны оештыру. Интернет-кибет товарны өйгә китереп бирү, кибеттән алып китү моделе буенча эшләячәк. Ритейлер интернет-сатуны Мәскәүдән башлаячак.

2014 елның җәендә «Ашан» азык-төлек булмаган товарларны интерет аша (Мәскәү, Калуга һәм Новосибирскта) сата башлады, шул елның көзендә интернет-сәүдә Россиянең 100 шәһәрендә оештырылды.

Auchan Франция ритейлеры Россия базарында 2002 елдан бирле эшли. Компания сайты мәгълүматлары буенча, Россиядә аның 96 кибете бар.

(Татар-информ)


www.tnv.ru - настройся на лучшее! Присоединяйтесь!