Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
25.07.2017

Баш режиссер белән узган “Вечерняя игра” кабатлана

Чәршәмбе, 26 нчы июль, “Вечерняя игра” тапшыруында кичке уенны Казан дәүләт яшь тамашачы театры баш режиссеры Туфан Имаметдинов уйный. Яшь булуына да карамастан, ул бүгенге көндә республика хезмәттәшләре арасында иң тәҗрибәле режиссерлардан санала.

Мәскәү һәм Европаның төрле зур театрларында спектакль куйган яшь режиссер үзен республика театр киңлекләрендә “эре итеп” хис итми. Киресенчә, ул үзенең бер интервьюсында бу хакта түбәндәге фикерен әйтә: “Мәскәү «йолдыз»ларын үз спектаклеңә чакырсаң, беренчедән, алар яшь режиссёрга сагаеп карый. Бу табигый нәрсә. Икенчедән, аларның сиңа мөнәсәбәте болайрак: «Син әле яшь, берни дә белмисең, хәзер мин сиңа үзем күрсәтәм!» Икенче яктан караганда, Теннесси Уильямсның «Пыяла читлек» спектаклен куйганда, Марина Неёлованың тәҗрибәсе бик нык ярдәм итте, тик шунысын да әйтергә тиешмен – аның белән эшләгәннән соң берни дә куркыныч түгел инде! Ә татар театрларында мин ниндидер бер эчкерсезлек, артистларның материалны үзләштерүгә ачык, әзер булуларын шундук тоеп алам”.

Туфан үзенең татар театр сәнгатенә мөкиббән китүен беркайчан да яшерми һәм ул, Европа театрларын гизгәндә, татар театрының дөньядагы башка бер театрга да ошамаган нечкәлекләре булуын сизеп ала. Бу турыда режиссер тапшыру студиясендә тулырак сөйләр.

Баш режиссер белән сорауларга бай һәм җавапларга тулы кызыклы “Вечерняя игра” тапшыруын 26 нчы июль кичендә 22:10 сәгатьтә карарга онытмагыз. Тапшыру кабатлап күрсәтелә.


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20