Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
08.07.2015

Болгарда мөселман яшьләре форумы уздырыла

Болгарда мөселман яшьләре форумы уздырыла 20-26 июль көннәрендә Болгарда мөселман яшьләре форумы уздырыла. Анда Татарстаннан, шулай ук Россиянең, нигездә, Идел буе федераль округы төбәкләреннән һәм Кырым Республикасыннан 100дән артык егет һәм кыз катнашыр дип көтелә.

Форумны ТР мөселманнары Диния нәзарәте оештыра. Чара мөселман яшьләрен берләштерүгә, алар арасында тәҗрибә уртаклашу һәм яңа элемтәләр урнаштыруга, уртак проблемаларны бергәләп хәл итү максатыннан, ватандашларыбызның рухи бердәмлеген ныгытуга, шулай ук егетләрдә һәм кызларда социаль, дини активлык, белемгә омтылуны тәрбияләүгә юнәлтелә.

1 атна дәвамында форумда катнашучылар палаткалы лагерьда яшәячәк. Алар аралашучанлык һәм лидерлык сыйфатларын үстерүне күз уңында тоткан тренингларда, исламның актуаль мәсьәләләренә багышланган түгәрәк өстәлләрдә һәм фикер алышуларда катнашыр, Татарстанның күренекле дин әһелләре белән очрашыр дип планлаштырыла.

Форум программасына экскурсияләр, төрле мастер-класслар һәм интеллектуаль уеннар да кертелгән, диелә ТР мөселманнары Диния нәзарәте матбугат хезмәте хәбәрендә.

Соңыннан оештыручылардан алынган мәгълүматларга караганда, төбәкләрнең җирле Диния нәзарәтләренә хатлар җибәрелеп, яшьләрне чакырып форум турында мәгълүмат алдан бирелгән. Анда катнашу өчен взнос күләме – 2,5 мең сум. Юл чыгымнарын килүчеләр үзләре каплый.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20