Бүген: -- ------ 20-- --:--
О компании Телеканал "ТНВ-Татарстан" Телеканал "ТНВ-Планета" Видеоархив #МИЛЛИПРЕМИЯ2018 Новости Реклама #АЙДАНАТНВ2019
Хәбәрләр тасмасы
12.07.2017

Дөрес фикерне “Таяну ноктасы” суррогат аналык мәсьәләсендә эзләп карый

Чәршәмбе кичендә «Таяну ноктасы» тапшыруы суррогат аналык темасына әңгәмә оештыра. Чыгарылышның исеме «Тапкан түгел, баккан ана» дип атала. Суррогат яки кыралак әниләр турында бәхәс бүгенге көндә яңа сулыш алды.

Канун төрле илләрдә бу иҗтимагый күренешне я бер тыя, я бер рөхсәт итә. Җәмгыятьтә ике төрдәге фикер бүгенге көнгә кадәр яшәп килә һәм алар арасыннан дөресен сайлап алу дәүләтнең үз шәхси эше исәпләнә.

Гаилә темасы ток-шоуда «В объективе ТНВ — большая семья» социаль проекты нигезендә күтәрелә.

Россиядә суррогат ана программасы законлы нигездә 1995 нче елдан бирле эшли. Ул чорда советлардан соңгы беренче Гаилә кодексы кабул ителә. Мондый төр хезмәтне экстракорпораль аталандыру ярдәмендә медицина үзәкләрендә күрсәтәләр. Татарстанда бу - Республика клиник хастаханәсенең Гаиләне планлаштыру һәм репродукция үзәге. Суррогат ана — баласыз парлар өчен соңгы мөмкинлек. Алар бу адымга балага узуның барлык вариантларын, шул исәптән ЭКОны да сынап караганнан соң бара.

Гаилә мәсьәләсенә бәйле кыралак әниләр темасы турында үз фикерләрен студия кунаклары белдерә: Татарстанның атказанган юристы Зөбәйдә Яхина, Татарстан Республикасы Сәламәтлек саклау министрлыгының баш белгече, акушер-гинеколог Наилә Гайнанова, Дәүләт Думасы депутаты ярдәмчесе, педагогика фәннәре кандидаты Раил Шәмсетдинов, танылган абыстай Сәйдә Аппакова, журналист Мөршидә Кыямова, психология фәннәре кандидаты, доцент Айсылу Нәгыймова.

Катлаулы мәсьәләгә кагылышлы барлык сорауларга җавапны чәршәмбе, 12 нче июль, «Таяну ноктасы» тапшыруында эзлиләр. Ток-шоу дүшәмбедән пәнҗешәмбегә кадәр 19:00 сәгатьтә эфирга чыга. Тапшыру кабатлап күрсәтелә.


www.tnv.ru - настройся на лучшее! Присоединяйтесь!