Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
21.05.2015

Идел буе Болгар дәүләтендә ислам динен рәсми кабул итү көне уңаеннан, Р.Н.Миңнеханов мөрәҗәгать белән чыкты

Идел буе Болгар дәүләтендә ислам динен рәсми кабул итү көне уңаеннан, Р.Н.Миңнеханов мөрәҗәгать белән чыктыТатарстан Республикасы Президенты  вазыйфаларын вакытлыча башкаручы Рөстәм Нургали улы Миңнехановның, Идел буе Болгар дәүләтендә ислам динен рәсми кабул итү көне уңаеннан, мөрәҗәгате.

“Хөрмәтле татарстанлылар!

Кадерле мөселман кардәшләр!

Сезне Идел буе Болгар дәүләтендә ислам динен рәсми кабул итү көне белән чын йөрәктән тәбрик итәм.

922 елда бу изге җирдә борынгы бабаларыбызның күңеленә татар халкының киләчәген билгеләгән бөек дини тəгълимат яктысы үтеп кергән. Бүген яңадан торгызылган Болгарда без Аллаһ каршында кабат тез чүгәбез, аңа олы рәхмәтләребезне җиткерәбез.

Ислам безне үз-үзеңне тоя белүгә, изге ниятле, игелекле һәм мәрхәмәтле булуга өйрәтә, гореф-гадәтләргә хөрмәтле итеп тәрбияли. Бу көнне без үзебезне бөек мөселман һәм зур Евразия дөньясы, бердәм Россия халкы өлеше итеп хис итәбез, данлы тарихыбыз белән горурланабыз, киләчәк буыннар алдында җаваплылык тоябыз.

Төрле милләт һәм дин вәкилләреннән торган совет халкының Бөек Ватан сугышында Җиңүенең 70 еллыгын бәйрәм иткән елда без сугыш чоры каһарман буынның кыюлыгына, көчле рухына, хезмәт сөючәнлегенә һәм игелекле булуына сокланабыз.

Татарстанда дини үсеш, милләтара һәм динара эшчәнлек буенча уникаль тәҗрибә тупланган. Ул динебезне, тарихыбызны, телләребезне һәм мәдәниятләребезне саклауда булыша. Республика мөселманнары православие һәм башка дин вәкилләре белән бергәләп изге җирләребезне яңадан торгызу өстендә эшли. Алар арасында Борынгы Болгар һәм Зөя шәһәр-утравы аеруча урын алып тора.

Идел буе Болгар дәүләтендә ислам динен рәсми кабул итү көнен бәйрәм итү яңа матур гореф-гадәтләргә нигез салыр, ә алдагы буыннар аларны саклап калыр һәм дәвам итәр дип ышанам.

Барыгызга да исәнлек, бәхет, игелек, муллык һәм Аллаһының рәхим-шәфкатен телим!” – диелә Татарстан Республикасы Президенты
вазыйфаларын вакытлыча башкаручы Р.Н. Миңнеханов мөрәҗәгатендә.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20