Икътисади үсеш министрлыгы: сентябрьдә яшелчә һәм җиләк-җимеш 80 процентка арзаная

РФ Икътисади үсеш министрлыгында сентябрьдә азык-төлеккә бәя төшәчәк дип фаразлыйлар. Министрлык экспертлары мәгълүматлары буенча, бигрәк тә яшелчә һәм җиләк-җимеш сизелерлек арзанаячак — июнь ае белән чагыштырганда, бәяләр 80 процентка кадәр диярлек төшәчәк. Бу хакта «Известия» яза.

Әгәр министрлыкның фаразлары чынга ашса, көзгә яшелчә һәм җиләк-җимеш 5 тапкырга арзанаячак. Гомумән, Икътисади үсеш министрлыгы сентябрь башында азык-төлек бәясе, июнь белән чагыштырганда, 1,3 процентка төшәчәк.

Сатып алучылар өчен уңай фараз быелгы уңышның яхшы булуына нигезләнгән дип билгеләп үттеләр министрлыкта. Җиләк-җимеш һәм яшелчә үстерүчеләр фаразларны хак дип белдерделәр.

(Татар-информ)