Ижауда өлешчә җимерелгән йорт урынында эзләү-коткару эшләре дәвам итә
Ижауда өлешчә җимерелгән йорт урынында эзләү-коткару эшләре дәвам итә.
Тугыз катлы йортның җимерекләре астында калу ихтималы булган кешеләрне төне буе эзләделәр. Фаҗигадә әлегә алты кешенең үлүе һәм дүрт кешенең зыян күрүе билгеле.
Удмуртия коткаручыларына ярдәмгә Казан, Чаллы, Уфа, Пермь һәм Красноярскидан да коллегалары килде, дип хәбәр иттеләр Россия Гадәттән тыш хәлләр министрлыгының Удмуртия Республикасы буенча Баш идарәсе матбугат хезмәтеннән.
Эвакуацияләнгән кешеләр якын-тирәдәге мәктәпләргә һәм шәһәр шифаханәләренә урнаштырылган. Алар кайнар ризык белән тәэмин ителгән.
Хәзерге вакытта гадәттән тыш хәл булган урында 1000нән артык кеше һәм 180 берәмлек техника эшли.
8.30 сәгатьтән Ижауның 1 Май районы Социаль хезмәт күрсәтү үзәгендә, шулай ук 40 һәм 86 нчы мәктәпләрдә зыян күрүчеләргә гуманитар ярдәм җыю оештырылачак.
Ахыргы хәбәрләр
- Диния нәзарәте татар теле укытучылары арасында конкурс игълан итә
- Татарстанда инвалид балаларны уллыкка алган сигез гаилә 200әр мең сум акча алды
- 20 майда Казанда татар телен яклау җыены оештырыла
- WorldSkills байрагы Парижга килеп җитте
- Татарстанда кайсы мәчетләрдә ифтарлар уздырыла - исемлек
- “Башваткыч”та Арча укытучылары көч сынаша
- Кукмара һәм Саба Кытайдагы Юйхуань һәм Вэнлинь шәһәрләре белән килешү имзалады
- Зәй районы чәчүне республикада беренче булып тәмамлады
- Татарстанда 28 торак пунктны каты өслекле юллар белән тоташтырачаклар
- Башкортстанда Сабан туйлары Рамазан аенда да үткәреләчәк
