Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
14.09.2015

Казан мэры Илсур Метшин Франция рәссамы - милләттәшебез Ринат Анимаевның “Дүрт сезон” күргәзмәсендә булды

Казан мэры Илсур Метшин Франция рәссамы - милләттәшебез Ринат Анимаевның “Дүрт сезон” күргәзмәсендә булдыКазан мэры Илсур Метшин кичә Франция рәссамы Ринат Анимаевның эшләреннән торган “Дүрт сезон” күргәзмәсендә булды. Экспозиция исә Казан ратушасында оештырылган, һәм 30 октябрьгә кадәр эшли. Шәһәр җитәкчесе белән бергә эшләрне Франциядәге татарлар диаспорасы вәкиле һәм “Россия – Франция мәдәни күпере” ассоциациясе президенты Лия Пронэр, шулай ук Казан ратушасы директоры Динә Латфуллина тамаша кылды. Казандагы күргәзмәне әлеге ассоциация белән Казан мэриясе оештырган, дип хәбәр итә мэриянең матбугат хезмәте.

Казан мэры танылган француз остасының эшләрен югары бәяләде – күргәзмәдә рәссамның барлыгы 100ләп эше тәкъдим ителгән.

Ринат Мансур улы Анимаев – 1955 елда Таҗикстан башкаласы Дүшәнбедә туган татар. Кечкенәдән әтисе белән бергә сәнгать белән шөгыльләнә, әтисе дә рәссам була. Сәнгать мәктәбен тәмамлаганнан соң, сәнгать училищесына укырга керә, аннары В.И.Суриков исемендәге Мәскәү дәүләт сәнгать институтында белем ала.

Франциядә Ринат Анимаев 1989 елдан бирле яши һәм эшли. Милләттәшебез хәзерге вакытта Франциянең иң яхшы рәссамнары унлыгына керә. Аның эшләре Россия, Америка, Бельгия, Норвегия, Франция, Швеция, Югославия, Германия, Австрия, Японияләрнең музейларында һәм шәхси коллекцияләрендә урын алган. Төп күргәзмәләре 1980-2001 елларда күп тапкырлар Мюнхен (Германия), Париж (Франция), Мәскәү (Россия), Голландиядә булган.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20