Бүген: -- ------ 20-- --:--
О компании Настройки Телеканал "ТНВ-Татарстан" Телеканал "ТНВ-Планета" Видеоархив Конкурс "Талант" Реклама
Хәбәрләр тасмасы
04.08.2017

Казанда мөселманнар өстәл теннисы буенча ярыш уздырды

Кичә, 3 августта, Казанның «Тайфун» спорт клубында Совет районы мәхәлләләре арасында өстәл теннисы буенча ярышлар үтте, дип хәбәр итә Татарстан мөселманнары Диния нәзарәтенең матбугат хезмәте.

Турнир Татарстан мөфтиенең беренче урынбасары, Совет районы имам-мөхтәсибе Рөстәм Вәлиуллин инициатиасы белән уздырылды.

Турнирда Совет районының 20 мәхәллә мөселманнары катнашты. Уенны профессиональ хаким Марат Хәйруллин җитәкчелегендәге жюри әгъзалары бәяләде.

Ярышларның нәтиҗәләре түбәндәгечә билгеләнде: 1нче урын — «Бохара» мәчете командасында бирелде, 2нче урынны «Рашидә» мәчете яулады, 3нче урын — «Коддус» мәчетендә. Җиңүчеләрне Кубок һәм Дипломнар белән бүләкләделәр.

Әлеге ярышларны ел саен уздырырга планлаштырыла.

(Татар-информ)


www.tnv.ru - настройся на лучшее! Присоединяйтесь!
Программа Мин