Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
20.05.2016

Казанга бөтен дөньядан 40тан артык шәһәр мэры киләчәк – ТР башкаласы Башкарма комитеты

25-28 майда Казанда узачак “Берләштерелгән шәһәрләр һәм җирле хакимият” бөтендөнья оешмасының башкарма бюросы утырышына бөтен дөньядан 40 тан артык шәһәр мэры киләчәк. Бу хакта “Татар-информ” мәгълүмат агентлыгында Казан каласы Башкарма комитеты җитәкчесе урынбасары Иван Кузнецов хәбәр итте.

Спикер сүзләренчә, Казан – Евразия төбәгендә бу чараны үткәрү хокукы алган беренче шәһәр. “Оештыру тарихында беренче тапкыр аның җитәкчелек составы Россия территориясендә җыелачак. Форумда планетаның барлык почмагыннан шәһәр хакимиятләренең 200 дән артык вәкиле булачак”, - дип өстәде ул. Хәзергә 40 мэр һәм шәһәр җитәкчеләре, шулай ук 60тан артык вице-мэр теркәлгән һәм катнашуларын раслаган, дип билгеләп үтте И.Кузнецов.

Казан Башкарма комитеты җитәкчесе урынбасары билгеләп үткәнчә, башкарма бюро утырышын үткәрү белән бәйле рәвештә, Татарстан башкаласы мэры форум көннәрендә мәгариф проекты - "Made In Kazan" эксперт-класслар циклын торгызырга йөкләмә бирде. "Made In Kazan" циклына урбанистика, туризм, шәһәр планлаштыруы һәм башка өлкә буенча бөтен дөньяга танылган һәм абруйлы экспертлар киләчәк.

Башкарма бюро составына 115 кеше кергән, ә чакырылган катнашучылар белән бергә чарада 200 чамасы кеше булачак. Казанда бу утырышны үткәрү турындагы карар 2015 елның июнендә Порт-Алегрида кабул ителгән. Татарстан башкаласының заявка ролигын Казан мэры, “Берләштерелгән шәһәрләр һәм җирле хакимиятләр” оешмасының президентташы, ассоциациянең Евразия бүлеге президенты Илсур Метшин презентацияләгән иде.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20