Бүген: -- ------ 20-- --:--
О компании Настройки Телеканал "ТНВ-Татарстан" Телеканал "ТНВ-Планета" Видеоархив Конкурс "Талант" Реклама
Хәбәрләр тасмасы
27.09.2017

Әлмәттә велосипедны бушка алып була

Әлмәттә велосипедны бушка алып була. Әлеге социаль проектны бер сүз белән генә шулай тасвирлап булыр иде, дип яза җирле басма.

Яшьләр үзәге каршында шәһәребез өчен мөһим вакыйгаларның берсе булды — BikeSharing проектын халыкка тәкъдим иттеләр.

Инглиз телен белмәүчеләргә иң элек әлеге сүзнең турыдан-туры тәрҗемәсен язып узыйк — велосипедларны бергәләп кулланып торуны инглизләр әнә шулай ди. Икенче төрле аны велосипедларны прокатка алып тору дип тә аңлап була. Безнең өчен бу чын-чынлап яңалык булса, чит илләрдә инде күп еллар әлеге проект уңышлы гына эшләп килә. Вашингтон, аннан Кытайда ул киң популярлык ала. Хәзер исә бездә дә бу проектны халык яратып кабул итәр дип өметләнәләр.

Велосипедны прокатка алу өчен депозитлы карта булдыру кирәк. Бәясенә килгәндә ярты сәгате 10 сум торачак. Хәтта бушка дияргә дә була. Кулыңа өр-яңа моделле, чылбырсыз һәм сафтан чыкмый торган тәгәрмәчле транспортны теләсә-кайсы вакытта алып булачак.

Әйтергә кирәк, велоинфраструктураның өченче этабын тормышка ашыру максатыннан бу проект гамәлгә куелды. Яңа система Маганов Наил Өлфәт улының шәһәргә бүләге. Барлык велосипедларны нефтьчеләр ярдәме белән сатып алдылар. Социаль проект булганлдыктан бәяләр дә түбән. Хәтта мәктәп укучылары да моннан файдалана алачак.

Инде күптәннән лаеклы ялга чыккан Гүзәл Идрисова да әлеге велосипедларны беренчеләрдән булып сынап карады:

 — Карталар булдырырга кирәк булгач, димәк аны да үзләштерербез. Системаның бераз катлаулы булуы һич кенә дә куркытмый. Моңа кадәр оныгымның велосипедыннан файдалана идем. Хәзер исә менә шушы проектка була рәхәтләнеп йөрергә була. Бик уңайлы, хәтта маневрлар ясау өчен дә җиңел дип саныйм. Нефтьчеләргә мондый бүләк өчен чиксез рәхмәт, — диде ул.

(Татар-информ)


www.tnv.ru - настройся на лучшее! Присоединяйтесь!
Программа Мин КОС. С Днем Химика!