Бүген: -- ------ 20-- --:--
О компании Телеканал "ТНВ-Татарстан" Телеканал "ТНВ-Планета" Видеоархив #МИЛЛИПРЕМИЯ2018 Новости Реклама #АЙДАНАТНВ2019
Хәбәрләр тасмасы
13.03.2018

Мәскәүдә Нәүрүз бәйрәмендә пылау фестивале була

25 мартта Мәскәүдә Халык хуҗалыгы казанышлары күргәзмәсендә «Нәүрүз-2018» гомумшәһәр бәйрәме кысаларында пылау фестивале үтәчәк, дип хәбәр итә Татарстанның Россиядәге Вәкаләтле вәкиллеге матбугат хезмәте.

Пылау фестивале иң яхшы ризык әзерләү буенча ярыш форматында узачак. Конкурста милли аш-су рестораннарында эшләүче шеф-пешекчеләр катнаша. Жюри составында кулинарлар гына түгел, милли диаспора вәкилләре, фуд-блогерлар да булачак.

Кунаклар игътибарына шулай ук көмеш бизәнү әйберләре, күннән тегелгән милли аяк киемнәре, кием-салым, савыт-саба, сөлге һәм ашъяулыклар, төрле сувенирлар тәкъдим ителәчәк. Нәни кунаклар өчен сувенирлар, курчаклар ясау буенча мастер-класслар оештырылачак.

Бәйрәмнең төп сәхнәсендә вокал һәм бию коллективлары чыгыш ясаячак. Концерт программасында Татарстанны җырчы Марсель Вагыйзов һәм «Сәйдәш» бию ансамбле тәкъдим итәчәк.

(«Татар-информ»)


www.tnv.ru - настройся на лучшее! Присоединяйтесь!
Программа Мин