Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
26.03.2015

Р.Миңнеханов Италиянең Россиядәге илчесе белән очрашуда: "Безнең илләр арасында элемтәләр ныгырга тиеш, шул исәптән региональ хезмәттәшлек исәбенә дә”

Р.Миңнеханов Италиянең Россиядәге илчесе белән очрашуда: "Безнең илләр арасында элемтәләр ныгырга тиеш, шул исәптән региональ хезмәттәшлек исәбенә дә”Бүген  Татарстан Республикасы Президенты вазыйфаларын вакытлыча башкаручы Рөстәм Миңнеханов Италиянең Россия Федерациясендәге Гадәттән тыш һәм Тулы вәкаләтле Илчесе Чезаре Мариа Рагальини белән очрашты. Чара Татарстан Республикасы Хөкүмәте йортында узды.

Искәртеп үтик: бу илченең Казанга әле беренче генә килүе. Ул Казанда берничә мәдәният объектында булды, шулай ук Казан дәүләт архитектура-төзелеш университеты каршындагы Италия мәгариф һәм фән үзәгендә дә.

Кунакны сәламләп, Рөстәм Миңнеханов, беренче чиратта, эшлекле элемтәләрне хуплавы һәм Италия илчелеге белән генконсуллыкның визалар мәсьәләсендә күрсәткән ярдмәннәре өчен рәхмәт белдерде.

«Россия белән Италия арасында мөнәсәбәтләр бүгенге көндә тотрыклы һәм дәвамлы, шуңа мисал итеп, Италия Премьер-министрының Мәскәүгә визитын атап була, - дип әйтте Рөстәм Миңнеханов. – Безнең илләр арасында элемтәләр ныгырга тиеш, шул исәптән төбәк дәрәҗәсендә хезмәттәшлек исәбенә дә».

Татарстан Республикасы белән Италиянең хезмәттәшлегенә килсәк, республика чит илләргә нефть, нефть химиясе продукциясен, пластмассаны, синтетик каучук, агач, күн чималын җибәрә, дип барлады Рөстәм Миңнеханов. Италиядән Татарстанга төрле җиһазлар, җир транспорты, керамика, полимерлар, фармацевтика продукциясе, халык куллану товарлары һәм иң мөһиме – заманча технологияләр килә. Татарстан белән Италия арасында товар әйләнеше 2 млрд доллар тәшкил итә.

«Минемчә, безнең куәт зур, һәм без киңрәк форматта, төрле өлкәләрдә хезмәттәшлеккә тиеш, - диде Рөстәм Миңнеханов. – Әлбәттә, бу сәүдә-икътисадый килешүләр генә түгел, ә уртак производство, уртак бизнес булдыру да, шул исәптән Италия капиталы катнашында да. Бу максатта безнең бүген бөтен шартлар да бар».

Рөстәм Миңнеханов сүзләренчә, бүген Татарстанда Италия капиталы катнашында 20 уртак предприятие эшли.

Хезмәттәшлекнең перспектив юнәлешләре арасында ул нефть химиясе, машина төзелеше, сәнәгатьне модернизацияләү, станок төзелеше, инновацияләр өлкәсен, авыл хуҗалыгы, транспорт логистикасын атады, чөнки бу юнәлешләрдә Италиянең тәҗрибәсе зур һәм Татарстан белән үсеш мөмкинлекләрен таба ала.

Рөстәм Миңнеханов фикеренчә, мәгариф өлкәсе, студентлар, мөгаллимнәр алышуны оештыру өлкәсе бигрәк тә әһәмиятле юнәлеш буларга мөмкин. «Мәгариф – киләчәктә безнең элемтәләргә җитди ярдәме булачак бәйләүче өлеш ул», - дип билгеләп үтте Рөстәм Миңнеханов, Чезаре Мариа Рагальинига мөрәҗәгать итеп.
Очрашу барышында яклар туризм өлкәсендә хезмәттәшлек мөмкинлекләре турында да сөйләштеләр. Гражданнарның сәяхәт итүләре өлкәсендә мәсьәләләр бар. Берсе – виза алуда ярдәм, икенчесе – туры рейслар булу. Казанда Италиянең виза үзәге бар, ә Италия белән Татарстан арасында туры рейслар юк.

Туры рейслар – бөтенләй башка хәл, диде ул, бу вактытны янга калдырырга ярдәм итә, бигрәк тә бу бизнеска мөһим.

Рөстәм Миңнеханов Татарстан югары технологияләр өлкәсендә хезмәттәшлек итәргә теләгәнен белдерде. Шул уңайдан ул “Алабуга” МИЗ, “Иннополис” инновацион проекты турында  кыскача сөйләде.

2015 елның октяберендә Миланда бөтендөнья станоклар, роботлар һәм атвоматлаштыру чаралары күргәзмәсе ("Emo Milano-2015") узачак, дип икәртте Рөстәм Миңнеханов. Бу Татарстан предприятиеләре өчен бик кызыклы һәм Татарстан делегациясе анда барырга җыена, дип ышандырды ул.

Италиянең Россия Федерациясендәге Гадәттән тыш һәм Тулы вәкаләтле Илчесе Чезаре Мариа Рагальини очрашу барышында, Италиянең, гомумән, Россия белән һәм, аерым алганда, Татарстан белән дәвамлы багланышларын исәпкә алып, Казанга визиты әһәмиятле булуын һәм алга таба сәүдә һәм сәнәгать мөнәсәбәтләре үсешендә мөмкинлекләр булуын ассызыклады, дип белдерә ТР Президенты матбугат хезмәте.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20