Бүген: -- ------ 20-- --:--
О компании Настройки Телеканал "ТНВ-Татарстан" Телеканал "ТНВ-Планета" Видеоархив Конкурс "Талант" Реклама
Хәбәрләр тасмасы
19.07.2017

Россия синоптиклары көчле җил һәм давыл турында кисәтә

Июльнең соңгы атнасында Россиянең үзәк өлешендә җәйге җылы көннәр булачак, дип белдергән “Российская газета”га Россия Гидрометеорология һәм әйләнә-тирә мохитне күзәтү идарәсе лабораториясе мөдире Людмила Паршина.

Атна ахырына кадәр Россия үзәк полосасында көндез 19-24 градус җылы, кыска вакытлы яңгырлар фаразлана. Киләсе атна башында температура 25 градуска кадәр күтәреләчәк, аннан +27 көтелә.

Җомга көнне Үзәк федераль округта секундына 12-17 метр җил белән яшенле яңгыр фаразлана. 
Көчле яңгырлар Карелиядә, Архангельск өлкәсендә көтелә.

Идел буе округының төньягында шулай ук яңгырлар көтелә, боз яву ихтималы бар. Пермь краенда секундына 25 метр җил белән яшенле яңгыр фаразлана, җитди зыян килү ихтималы зур.

(Татар-информ)


www.tnv.ru - настройся на лучшее! Присоединяйтесь!
Аквапарк Ривьера