Бүген: -- ------ 20-- --:--
О компании Настройки Телеканал "ТНВ-Татарстан" Телеканал "ТНВ-Планета" Видеоархив Конкурс "Талант" Реклама
Хәбәрләр тасмасы
21.07.2017

Шимбә кичендә “Зәңгәр кыңгыраулар” концерты моңланырга чакыра

Шимбә, 22 нче июль, «ТНВ-Планета» телеканалында Татарстанның халык артисты Зәйнәб Фәрхетдинованың «Зәңгәр кыңгыраулар» концерты күрсәтелә. Сез яраткан халык җырлары, моңландыргыч көйләр һәм җыр дәрьясы Зәйнәб Фәрхетдинова концертында кабаттан бергә очрашалар. Халык артистының халыкчан концертын карарга онытмагыз.

Фәрхетдинова Зәйнәб Фазлытдин кызы — «Татар Жыры-91» конкурсы лауреаты, «ТЮРКО-ВИЗИОН-96» халыкара фестивале дипломанты. 1999 нчы елда җырчыга Татарстанның атказанган артисты, ә 2009 нчы елда Татарстанның халык артисты мактаулы исемнәре тапшырыла.

1989 нчы елда Казан дәүләт мәдәният һәм сәнгать институтын (хор-дирижерлык бүлеге, «Хор коллективлары җитәкчесе» белгечлеге) тәмамлый.

Ул 1990−1992 нче елларда Г. Тукай исемендәге татар дәүләт филармониясенең эстрада бүлегендә җырчы, 1992−1995 нче елларда «Казан» Милли мәдәни үзәге солисты, 1995−1996 нчы елларда Г. Камал театры каршындагы эстрада ансамбле солисты була.

1996 нчы елдан бүгенге көнгә кадәр «АВАЗ» җыр студиясенең сәнгать җитәкчесе һәм солисты булып эшли. «Алкалар», «Кайту», «Сагындым» һәм башка үзе башкара торган җырларының авторы.

Татарстанның халык артисты Зәйнәб Фәрхетдинованың «Зәңгәр кыңгыраулар» концертын «ТНВ-Планета» телеканалында шимбә, 22 нче июль, 18:00 сәгатьтә карагыз.


www.tnv.ru - настройся на лучшее! Присоединяйтесь!