Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
27.06.2016

Татарстан тәкъдимнәре "Бердәм Россия"нең федераль сайлау алды программасына кертелде

26-27 июньдә, Мәскәүдә "Бердәм Россия" партиясенең XV съезды уза. Анда Татарстаннан "Бердәм Россия" партиясенең төбәк бүлеге секретаре, республика Дәүләт Советы Рәисе Фәрит Мөхәммәтшин җитәкчелегендә 32 делегат катнаша. Съездның беренче көне партиянең сайлау алды программасы буенча фикер алышуга багышланган иде.

Съездда "Бердәм Россия"нең сайлауларга йомгаклау документы әзерләнәчәк. Төбәкләр, шул исәптә Татарстан, проектка үз тәкъдимнәрен белдерде.

Программа буенча икътисад, сәламәтлек саклау, хакимият нәтиҗәлелеге, мәгариф, авыл хуҗалыгы, мәдәният һәм башка темаларга багышланган ун дискуссион мәйданчыкта фикер алышалар. Татарстан делегациясе "Тормыш сыйфаты" "түгәрәк өстәл"енә аеруча игътибар бирде. "Бердәм Россия" партиясенең республика бүлеге секретаре урынбасары Андрей Кондратьев аңлатма биргәнчә, сайлаулар республикада әзерләнгән тәкъдимнәргә нигезләнгән иде. "Безнең тәкъдимнәрнең иң әһәмиятлесе - социаль яклау мәсьләләре. Татарстанда "Бердәм Россия" нәкъ шул юнәлештә өстенлекле эш алып бара", - дип билгеләп үтте ул.

Татарстан "бердәмроссияле"ләренең тәкъдимнәре халык белән фикер алышканнан соң эшләнде. Беренче тавыш бирүләргә әзерлек вакытында, анда катнашучылар 600гә якын очрашу үткәргән. Аларда республикада яшәүчеләрнең инициативалары һәм тәкъдимнәре белдерелде. Алар, берләштергән һәм системага салынган рәвештә, партиянең федераль программасына кертелгән Татарстан тәкъдимнәренең нигезе булды. Татарстан инициативалары съезд делегатларында кызыксыну тудырды. Аларның күп өлеше "Бердәм Россия"нең сайлау алды программасына кертелгән.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20