Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
09.06.2015

Татарстанда 57 укучы рус теле буенча БДИны 100 баллга тапшырган

Кичә кич рус теле буенча БДИ нәтиҗәләре билгеле булды. Татарстанда әлеге фән буенча уртача күрсәткеч 3 баллга артып, 69 баллны тәшкил итте (2014 елда – 65,8), дип хәбәр итте “Татар-информ” мәгълүмат агентлыгына ТР Мәгариф һәм фән министрлыгы матбугат хезмәте җитәкчесе Алсу Мөхәммәтова.

Рус теле буенча бердәм дәүләт имтиханын 100 баллга 57 чыгарылыш сыйныф укучысы тапшырган (2014 елда – 69). Азга гына булса да чик бусагасын уза алмаучылар саны да кимегән: 34 укучы “икеле” алган. Бу – 0,19 процент (2014 елда – 0,2).

Искәртеп узыйк: рус теле буенча бердәм дәүләт имтиханын Татарстанның 18 мең 156 укучысы тапшырды. Бүген тагын бер мәҗбүри имтихан – математика буенча база дәрәҗәдәге БДИ нәтиҗәләре билгеле булыр дип көтелә. 14 июнь көнне исә, шул ук фәннең профиль дәрәҗәдәге имтиханы йомгаклары белән танышырга мөмкин булачак.

11 июньдә 5 мең 384 укучы физика буенча һәм 1 мең 620 укучы чит ил теле (язмача өлеш) буенча БДИ тапшыра.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20