Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
18.03.2015

Татарстанда “IT-чемпион” III республика конкурсы старт ала

Иртәгәдән Татарстан укучылары арасында “IT-чемпион” III республика конкурсы старт ала. Соңгы 2 ел эчендә конкурста 363 мең бала, “Иң актив мәктәп” номинациясендә республика мәктәпләренең 94 проценты катнашкан. Әлеге саннарны бүген ТР Министрлар Кабинетында уздырылган брифингта ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов китерде. Киңәшмәдә ТР мәгариф һәм фән министрының беренче урынбасары Андрей Поминов та катнашты.

Роман Шәйхетдинов билгеләп узганча, 2 елда конкурс ярдәмендә 450 меңнән артык татарстанлы ТР дәүләт һәм муниципаль хезмәтләр порталында үзләренең шәхси кабинетларын булдырган. “IT-чемпион” конкурсы эшли башлаган 2013 елның мартында барлыгы 325 мең шәхси кабинет теркәлгән булса, хәзерге вакытта аларның саны 1,26 млн-га җиткән. Министр сүзләренә караганда, түләүләр саны да шактый арткан. Былтыр татарстанлылырга 32,7 млн электрон хезмәт күрсәтелгән. Агымдагы ел азагына бу сан 40 млн. ны тәшкил итәр дип фаразлана. Ике ел эчендә бәйгенең приз фонды 33,4 млн сум тәшкил иткән. Җиңүчеләр 474 данә Ipad һәм Ipad mini, 306 ноутбук, 51 интерактив комплект, 3 мобиль класс, Диснейлендка 2 юллама һәм 4 меңнән артык башка истәлекле призлар белән бүләкләнгән.

“Конкурс халыкка электрон рәвештә күрсәтелә торган дәүләт һәм муниципаль хезмәтләрне популярлаштыру максаты белән үткәрелә. Алай гына да түгел, бәйгене үткәрү субъектның нәтиҗәлелеген арттыру өчен дә кирәк”,– дип сөйләде Роман Шәйхетдинов. Аның сүзләренчә, хезмәтләрне, банк һәм ведомстволарга бармыйча, электрон рәвештә алу нәтиҗәсендә, Татарстанда яшәүчеләр ай саен 2 млн. сәгать вакытларын янга калдыра. Былтыр электрон хезмәтләрнең социаль-икътисади нәтиҗәлелеге 3,1 млрд сум тәшкил иткән.

Андрей Поминов исә “IT-чемпион” конкурсының быелгы үзенчәлекләре белән таныштырды. Аның сүзләренә караганда, конкурс быел да, узган еллардагыча, “Иң актив укучы” һәм “Иң актив мәктәп” номинацияләрендә үткәрелә. “Иң актив укучы” номинациясенең беренче этабы 18 марттан 31 июльгәчә, икенче этабы исә 1 августтан 30 ноябрьгәчә уздырыла. Һәр этап нәтиҗәләре буенча һәрбер муниципаль районда 3әр укучы планшетлы компьюетер белән бүләкләнәчәк. “Иң актив мәктәп” номинациясе 18 марттан 30 ноябрьгә кадәр үткәрелә. Аның буенча нәтиҗәләр декабрь аенда ясалачак. Татарстанның һәр муниципаль берәмлегендәге 1 мәктәп җиңүче дип табылачак. “Бу номинациядә җиңүчеләрне билгеләү өчен, мәктәпләрдәге балалар санының төрле булуын исәпкә алып, һәр мәктәп буенча балалар җыйган гомуми баллар кушыла һәм мәктәптә укучы балаларның гомуми санына бүленә. Шул рәвешле, уртача күрсәткеч исәпләп чыгарыла һәм муниципаль урта белем бирү йортлары арасында чагыштыру үткәрелә. Җиңүче дип табылган мәктәп интерактив комплект белән бүләкләнәчәк”, – дип тәгаенләде Андрей Поминов. Аның сүзләренә караганда, былтыр Татарстан мәктәпләре әлеге номинациядә бик актив катнашкан.

Өлкәннәр укучының “Татарстан республикасында электрон мәгариф” системасындагы логины сакланган шәхси кабинетлары аша электрон түләү башкарган очракта, балага уртача 5 балл бирелә. Быел конкурста катнашучыларга балл бирү системасы үзгәрәк булачак. Андрей Поминов билгеләп узганча, быел “Автоматик түләүләү” сервисы аша башкарылган түләүләргә өстәмә 5 балл биреләчәк. Мәсәлән, әлеге сервис аша “Торак-коммуналь хезмәтләр” өчен түләү башкарылса, укучы 12 баллга, “Юл йөрү кагыйдәләрен бозган өчен штрафлар”ны түләгән өчен исә 10 баллга ия булачак.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20