Бүген: -- ------ 20-- --:--
О компании Настройки Телеканал "ТНВ-Татарстан" Телеканал "ТНВ-Планета" Видеоархив Реклама
Хәбәрләр тасмасы
12.04.2017

"Таяну ноктасы" социаль челтәрләрдәге "үлем төркемнәре" турында сөйләшә

Чәршәмбе кичендә «Таяну ноктасы» соңгы вакытларда Рәсәйдә берничә яшүсмернең үз-үзенә кул салу очракларына китергән социаль челтәрдәге «үлем төркемнәре» турында әңгәмә оештыра. Социаль челтәрләрдә актив рәвештә баларны үз-үзләренә кул салуга этәрүче виртуаль уен тарала. Яшүсмерләр социаль челтәрләрдә берничә хэштегта бүленәләр, «үлем төркемнәре» Россиядә балигъ булмаганнар арасында үз-үзләренә кул салу очраклары сәбәпчесе булган.

Мәсәлән, гыйнвар ахырында — февраль башында ВКонтакте социаль челтәрендә һәм Instagramда океанда йөзүче «зәңгәр кит», «мине 4:20 дә уят», «мин уенда», «тыныч йорт» кебек хэштеглар белән кит рәсемнәре күренә башлаган. Әлеге төркемгә кергән балаларга биремнәр үтәргә һәм нәтиҗәдә үз-үзенә кул салуга китерергә тиешле уенда катнашырга тәкъдим итәләр.

Социаль челтәрләрдә ачылган «үлем» төркемнәре яшүсмерләр арасында үз-үзләренә кул салуга зур йогынты ясыймы? Аларга каршы ничек көрәшергә? Кул салу очраклары яшүсемрләр арасында ни өчен ешрак очрый? Сорауларга җавапны студия кунаклары эзли: танылган журналист һәм җәмәгать эшлеклесе Римзил Вәлиев, җәмәгать эшлеклесе, сәясәтче Фәндәс Сафиуллин, яшьләр эшләре буенча җаваплы белгеч Ләйсән Төхвәтуллина, психолог Айсылу Нәгыймова.

Катлаулы мәсьәләгә кагылышлы барлык сорауларга җавапны бүген, 12 нчы апрель, «Таяну ноктасы» тапшыруында эзлиләр. Хәзер «Таяну ноктасы» дүшәмбедән пәнҗешәмбегә кадәр 19:00 сәгатьтә эфирга чыга.


www.tnv.ru - настройся на лучшее! Присоединяйтесь!