Бүген: -- ------ 20-- --:--
О компании Настройки Телеканал "ТНВ-Татарстан" Телеканал "ТНВ-Планета" Видеоархив Реклама Фотогалерея
Хәбәрләр тасмасы
23.06.2017

Теләчедә яшьләр өчен зур спорт фестивале узды

Теләче стадионында спорт наркотикларга каршы дигән исемдә яшьләр өчен зур спорт фестивале булып үтте, дип яза район газетасы.

Татарстан Республикасы Спорт һәм яшьләр эшләре министрлыгы кыршында эшләп килүче яшьләр хәрәкәтен үстерү буенча төбәкара үзәк белән районның «Олимп» яшьләр үзәге тарафыннан һәм Татарстан Республикасы Эчке эшләр министрлыгы теләктәшлеге белән үткәрелгән фестивальдә йөздән артык яшь райондашыбыз катнашты.

Алар арасында студентлар да, социаль актив райондашларыбыз да, укучы һәм эшче яшьләр дә бар иде. Чараны уздыручыларга районыбыз волонтерлары да бик теләп булышты. Фестивальне тантаналы шартларда муниципаль район башкарма комитеты җитәкчесенең социаль мәсьәләләр буенча урынбасары вазифасын вакытлыча башкаручы Артем Галеев һәм Теләче балалар һәм яшүсмерләр спорт мәктәбе директоры Динар Гыйниятуллин ачып җибәрде.

Фестивальнең максаты — яшьләр арасында сәламәт яшәү рәвешен пропагандалау, 16 яшьтән 30 яшькәчә булганнар арасында наркотикларга каршы көрәш һәм кисәтү чаралары алып бару. Кызганыч, илдә наркотикларның таралышы белән бәйле вәзыять элеккечә киеренке булып кала бирә. РФ Куркынычсызлык хезмәте секретарк Николай Патрушев әйтүенчә, соңгы елларда теркәлгән саннар буенча, «балигъ булмаганнар арасында наркотиклар, куллануның шактый күпкә, төгәлрәк әйткәндә, 60 поцентка кадәр артуы» борчылырга мәҗбүр итә. Дөрес, республикабызда хәлләр ул кадәр үк начар түгел. Әмма бу тынычланырга ярый дигән сүз түгел. Район үзәк хастаханәсе наркологы Әсгать Ихсанов белдергәнчә, Узган гасырның 90 нчы еллар азагында, 2000 нче еллар башында республикада, шул исәптән районда героин һәм аңа бәйлелектән интегүче балигъ булмаган яшьләр күп булган. Тора-бара героин сирәк очрый торган наркотиклар рәтенә күчкән -полиция аны тарату каналларының күпчелегенең эшен туктата алган. Хәзер аны артыннан ук башка бәла пәйда булды — психоактив матдәләрнең яңа төрләре. Болар: спайслар, тозлар, һәртөрле микслар… Болар профилактика һәм диспансерга теркәлү узар өчен китерелгән укучылар һәм студентлар арасында тикшерү уздырганда ачыклана икән диелгән район газетасында.

(Татар-информ)


www.tnv.ru - настройся на лучшее! Присоединяйтесь!
КОС сила традиций