Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
24.05.2016

ТР Дәүләт Советы Рәисе Фәрит Мөхәммәтшинның Cлавян язуы һәм мәдәнияте көне белән котлый

ТР Дәүләт Советы Рәисе Фәрит Мөхәммәтшинның Cлавян язуы һәм мәдәнияте көне белән котлый.

“Хөрмәтле татарстанлылар! Кадерле дуслар!

Сезне Славян язуы һәм мәдәнияте көне белән тәбрик итәм. 24 майда Россия Федерациясендә һәм дөньяның күп кенә илләрендә билгеләп үтелә торган бу истәлекле вакыйга – бөек мәгърифәтчеләр Кирилл һәм Мефодийны искә алу көне. Борынгы славян телләренең яңгырашын үзенә туплаган, телнең нечкәлекләрен исәпкә алган үзенчәлекле «кириллица» әлифбасын бүләк итеп, алар, зур тарихи һәм геосәяси әһәмияткә ия булган көнчыгыш-христиан мәдәниятенең гомуми киңлеген үстерүгә, мәдәни һәм рухи бердәмлегенә нигез салалар.

Рус дәүләтендә әлеге язма дәүләтчелекне ныгытуда һәм милли үзаңны тәрбияләүдә зур роль уйный, мәгърифәткә, шулай ук тел, әдәбият, фән һәм сәнгать үсешенә юл ача. Ул, рухи-әхлакый кыйммәтләргә нигезләнеп, күп халыкларның мәдәниятләрен берләштерә. Хәзерге вакытта да язма сүз кешеләргә миһербанлык һәм гаделлек, дуслык һәм татулык кебек гомумкешелек идеалларын расларга ярдәм итә.

Ул чорлардан алып унбер гасырдан артыграк вакыт узган. Бүген исә XXI гасырда яшәүчеләр өчен бу вакыйга аерым мәгънә белән тулылана. Күп милләтле һәм төрле диндәге халыклар яшәгән Татарстан өчен Славян язуы һәм мәдәнияте көне – күп гасырлар дәвамында Россия дәүләте киңлекләрендә һәм Европа илләрендә үзләренең дуслык мөнәсәбәтләрен үстереп һәм баетып гомер итүче тугандаш халыклар бердәмлегенең якты символы.

Кадерле ватандашлар! Кирилл һәм Мефодийның фидакарь хезмәте белән барлыкка килгән славян язуы – чын мәгънәсендә гомумкешелек казанышы. Славян язуы һәм мәдәнияте көне киләчәктә дә халыклар арасында дуслыкны һәм диннәр арасында татулыкны ныгытырга, борынгы бабаларыбызның бай рухи мирасына якынаерга, үз әдәбиятыбыз һәм дөнья әдәбияты шедеврлары белән хозурланырга хезмәт итсен!

Мондый истәлекле даталар безне якынайта, тормышыбызны яктырак һәм кызыклырак итә, бер-беребезне яхшырак аңларга мөмкинлек бирә. Безнең бурыч – Ватаныбыз горурлыгы булган мәдәни куәтне саклап калу, үстерү һәм тагын да баету. Туган ягыбызга, туган телебезгә булган чиксез мәхәббәтне балаларыбызга, оныкларыбызга тапшыру! 

Сезгә нык сәламәтлек, бәхет, уңышлар телим. Күкләребез һәрвакыт аяз булсын!” – диелә ТР парламенты җитәкчесе мөрәҗәгатендә.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20