Бүген: -- ------ 20-- --:--
О компании Настройки Телеканал "ТНВ-Татарстан" Телеканал "ТНВ-Планета" Видеоархив Конкурс "Талант" Реклама
Хәбәрләр тасмасы
10.11.2017

Тәрҗемәче эшчәнлеге турында “Йөрәктән – йөрәккә” сөйли

Якшәмбе «Яңа Гасыр» каналы «Йөрәктән — йөрәккә» цикллар җыентыгы чыгарылышында язучы һәм тәрҗемәче Лирон Хәмидуллин эшчәнлеге турында сөйли.

Лирон Хәмидуллин — татар язучысы, тәрҗемәче, СССР Язучылар берлеге әгъзасы.

Ул Сембер өлкәсенең Яңа Малыклы районы Иске Төгәлбуга авылында туа. Ырынбур өлкәсенең Яңа Сергиевка районы, Искеавыл (Иске Белогор) мәктәбендә җиде класс тәмамлаганнан соң, тимер юл техникумында укый, 1951—1954 нче елларда армиядә хезмәт итә. Аннан кайткач, Орск шәһәрендә тимер юл участогы бригадиры, соңрак өлкән мастер була. 1961 нче елдан Казанда яши. Башта — Трамвай-троллейбус идарәсендә, 1967—1982 нче елларда СССР Әдәби фондының Татарстан бүлеге директоры булып эшли.

Лирон Хәмидуллин әдәбиятка 60 нчы елларда килә. Әдәби җәмәгатьчелек аның «Юлда» дип исемләнгән хикәяләр җыентыгын һәм «Дала иртәсе» дигән повестен җылы кабул итә. Ул озак еллар тәрҗемә өлкәсендә эшли: үзбәк язучысы Ә. Мохтарның — «Чинар» романын, казакъ язучысы Ә. Әлимҗановның — «Отрар хатирәсе» дигән китабын, В. Быковның «Обелиск» һәм «Дожить до рассвета» дигән повестьләрен татарчага тәрҗемә итә.

Лирон аганың иҗатында шагыйрь һәм җәмәгать эшлеклесе Закир Рәмиев, драматург Мирхәйдәр Фәйзи, тарихчы һәм әдәбиятчы Габделбари Баттал, татар телле беренче газета-журналлар нашире һәм җырчы Камил Мотыйгый, фабрикант Акчуриннар нәселе һ.б. мәшһүр затлар турында даими һәм вакытлы матбугатта дөнья күрә килгән библиографик һәм фәнни-популяр хезмәтләре зур урын биләп тора.

Язучы һәм тәрҗемәче турында «Йөрәктән — йөрәккә» цикллар җыентыгы чыгарылышын якшәмбе, 12 нче ноябрь, 14:00 сәгатьтә карагыз.


www.tnv.ru - настройся на лучшее! Присоединяйтесь!