Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
13.07.2017

Төркиядә 2016 нчы елгы фетнәне билгеләп үтәләр

Төркиядә 2016 елгы фетнәнең бер еллыгына багышланган чаралар уза. Шушы уңайдан ил җитәкчелеге төрле илләрдән журналистларны чакырды.

Массакүләм мәгълүмат чаралары вәкилләренең Төркия сәясәтчеләре, шул исәптән премьер-министр Әхмәт Давутоглу һәм президент Рәҗип Тайип Эрдоган белән очрашуы планлаштырылган.

Чаралар фетнәгә кагылышлы урыннарда - Истанбулдагы Босфор аша күпердә (фетнәдән соң аңа 15 июль шәһитләре күпере дигән исем бирелде), Ататөрек исемендәге халыкара аэропортта, Кысыклы, Ченгелкәй районнарында уза.

Төп чаралар Анкарада планлаштырылган. Парламентта фотокүргәзмә ачылды. Президент комлексында фетнәдә һәлак булучыларның туганнары белән дә очрашачаклар. 14 июльдә мәчетләрдә шәһит китүчеләр рухына дога укыячаклар.

15 июльдә Анкарада Кеше хокуклары буенча форум ачыла. Ил җитәкчеләре фетнәдә һәлак булучыларны һәм аларның туганнарын кичке ашка җыя.

Барлык төбәкләрдә Милли бердәмлек маршы узачак. 16 июль 00:13 сәгатьтә дога укыла, аннары "Демократия вахтасы" башлана. 01:00 сәгатьтә парламентта сәясәтчеләр халык белән очрашачак. 02:32 сәгатьтә - парламентта беренче бомба шартлаган вакытта, Эрдоган халыкка мөрәҗәгать белән чыгачак. Анкара үзәгендә Милли бердәмлек маршы узачак. Президент комплексында һәлак булучылар истәлегенә һәйкәл ачылачак.

Искәртеп үтик, Төркиядә фетнә 2017 елның 15 июлендә булды. Бер төркем хәрбиләр, хакимиятне үз кулларына төшерү максаты белән, массакүләм мәгълүмат чараларын, Босфор аша күперне кулга төшерде, парламентны һәм башка әһәмиятле дәүләт биналарын утка тотты. Ил хакимиятенә тугрылыклы калучыларның һәм халыкның бердәм эш итүе аркасында фетнәчеләр оттырды, Эрдоган хакимиятне саклап калды. Фетнә вакытында 250 кеше һәлак булды.

(Татар-информ)


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20