Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
15.02.2016

Владимир Путин һәм Рөстәм Миңнеханов Чаллыдагы "Кванториум" балалар технопаркында булды

 Россия Федерациясе Президенты Владимир Путин һәм Татарстан Республикасы Президенты Рөстәм Миңнеханов Чаллыдагы "Кванториум" балалар технопаркында булдылар.

Технопарк холлында РФ элемтә һәм массакүләм коммуникацияләр министры Николай Никифоров махсус презентация барышында Россия Президентына илдә соңгы 7 елда югары технологияләр өлкәсендәге казанышлар турында сөйләде. Министр билгеләгәнчә, Россиядә, IТ-парклар 2008 елда эшли башлаганнан бирле, 20 мең яңа эш урыны булдырылган, җитештерелгән продукция һәм күрсәтелгән хезмәтнең гомуми күләме 180 млрд сум тәшкил итә, шулардан 50 млрд сум - 2005 елда.

Шулай ук Никифоров Татарстанда зур күләмле федераль проект - Иннополис шәһәре проектның гамәлгә ашыру барышы турында белешмә бирде. Рөстәм Миңнеханов Владимир Птутинга Россиянең киләчәк IТ-башкаласы төзелеше һәм алга таба үсеш юнәлешләре турында тулырак сөйләде.

Аннары Владимир Путин һәм Рөстәм Миңнеханов "Кванториум" балалар технопаркы эшчәнлеге белән таныштылар һәм дәресләр барышын күзәттеләр. Кунакларга яшь галимнәрне проектлау нигезләрен һәм дистанцион пилотлана торган транспорт чараларын булдыру нигезләрен, лазер технологияләре һәм программалар язу нигезләрен укыту алымнары турыда сөйләделәр. РФ Президенты күргәннәргә канәгать калды һәм укучыларга яңа уңышлар теләде. Ахырда Владимир Путин Чаллы технопаркы хезмәткәрләренә истәлеккә язу калдырды: "Уңышлар!"

Бу хакта ТР Президенты матбугат хезмәте хәбәр таратты.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20