Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
20.07.2017

Якшәмбе иртәсендә Зөлфәт Хәким концертына рәхим итегез

“Нәрсә булды сиңа бүген?” яки “Сентябрь алмалары” дигәннән соң һәрбер тамашачы күз алдына килеп баскан мәшһүр автор-башкаручының концерты бу якшәмбедә “ТНВ-Планета” телеканалында күрсәтелә. Сүз үзенең киңкырлы эшчәнлеге белән төрки дөньяга танылган сәнгать әһеле Зөлфәт Хәким турында бара.

Зөлфәт Хәким (тулы исеме Зөлфәт Зөфәр улы Хәкимханов) — татар халкының мәшһүр җырчысы, композитор, драматург, җәмәгать эшлеклесе Дамир Сираҗиев премиясе лауреаты.

Автор-башкаручы киң тамашачыга сәхнә эшчәнлеге белән генә билгеле түгел, ул шулай ук өр-яңа татар әдәбиятының алдынгы әдибе дә исәпләнә. Зөлфәт Хәкимнең Идел буе Болгар дәүләте тарихына багышланган “Мәңгелеккә изге сәфәр” пьеса-кыйссасы, тарихтагы иҗтимагый-сәяси вакыйгаларга багышланган, тоталитар системаның асылын ачкан “Җүләрләр йорты” трагикомедиясе, халыкның тормыш-көнкүрешен тасвирлаган “Карак”, “Зәхмәт”, “Үтермә”, “Килә ява, килә ява”, “Мин төш күрдем”, “Чапты атым Казанга” һәм башка пьесалары яңа форма, стиль, образлар системасы белән нык аерылалар.

Зөлфәт Хәким — тирән фәлсәфи эчтәлекле мәкаләләр һәм афоризмнар авторы да. 2003 нче елда татар драматургиясен һәм театр сәнгатен үстерү максаты белән Татарстан күләмендә үткәрелгән “Яңа татар пьесасы” бәйгесендә З. Хәкимнең “Телсез күке” драмасы җиңде. Шулай ук драматургның “Бит” пьесасы да махсус бүләккә лаек булды.

2009 нчы елда Зөлфәт Хәким, башка иҗатчылар белән берлектә, үзе язган «Телсез күке» театраль романы буенча сәхнәләштерелгән спектакль өчен Г. Тукай исемендәге Дәүләт премиясенә лаек булды.

Автор-башкаручы Зөлфәт Хәким концертын “ТНВ-Планета” телеканалында якшәмбе, 23 нче июль, 7:50 сәгатьтә карагыз.


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20