Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
13.01.2015

Якын киләчәктә илдә 200 инновацион мәктәп барлыкка килергә мөмкин

Якын киләчәктә Россиядә 200 инновацион мәктәп, тулай торакларда 23 мең яңа урын булдырылырга мөмкин. Укытучыларның 43 %ы исә предметара технологияләр буенча укыту методикасын үзләштерергә тиеш булачак. Башкача әйткәндә, бу әдәбият дәресендә тарихтан мисаллар китерү, ә тарихта география, тел белеме, фәлсәфәгә мөрәҗәгать итеп белем бирергә кирәк дигән сүз.

2015-2020 елларга мәгариф үсеше программасының яңа концепциясендә берничә төп бурычка басым ясала. Алар арасында заманча педагогик кадрлар әзерләү, мәгариф өлкәсе өчен социаль инфраструктураны үстерү, дәүләт-шәхси партнерлыгына булышлык күрсәтү бурычлары бар.

Демографик кимүне һәм икътисадның заманча таләпләрен исәпкә алганда, күп кенә вузларны үзгәртеп кору һәм эреләндерү көтәргә мөмкин. Югары уку йортларының филиал челтәрләре дә 80 %ка кадәр кыскарачак. Университет һәм институтларның гомуми саны исә 40 %ка кимергә мөмкин. Әмма бу сыйфатлы югары белем алучы студентлар саны арту шарты белән генә булачак.

Вузларның 100 % Болон һәм Турин процесслары нигезендә белем бирер дип көтелә. Алдагы елларда федераль, фәнни-тикшеренү университетларына, шулай ук президент һәм хөкүмәт йөкләмәсен үти торган вузларга өстенлек биреләчәк, дип яза “Российская газета”.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20