Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
09.11.2017

Япониядә татарлар турында "Tatarstan Fanbook" дип исемләнгән китап басылып чыкты

Япониядәге Publib китап нәшриятында “Tatarstan Fanbook” (or Tatarstan Funbook) дип исемләнгән китап басылып чыкты. Авторлар “Татар-информ” хәбәрчесенә китапта нинди темалар чагылыш тапканын, аны гамәлгә куюга ничә ел сарыф ителгәне турында сөйләп үтте.

Китапның авторлары – Япониядә яшәүче галимнәр – Акира Сакурама, Мидзуки Накамура һәм Юто Хишияма. Әсбапның тиражы – 1500 данә, ул киң катлау укучыларга тәкъдим ителә. “Tatarstan Fanbook” китабына Татарстан һәм татарлар турында мәгълүматлар туплап бирелгән.

2014 елның Халыкара татар теле һәм татар әдәбияты олимпиадысының җиңүчесе, галим Юто Хишияма сүзләренчә, китапны язуга ике ел сарыф ителгән. “Tatarstan Fanbook” китабын 2015 елның август аенда яза башладык. Ул тугыз өлештән тора. Китапта татарлар, татар теле, татарның тарихы, мәдәнияте, сәнгате кебек темалар урын алган. Япониядә татарлар белән кызыксыну арта бара”, – диде Юто.

2017 елның Халыкара татар теле һәм әдәбиятының гран-при иясе, галимә Мидзуки Накамура да үз фикерен җиткерде:“Татар теле – ул үзенә күрә “серле дөнья” бит. Хәзерге көнгә кадәр Япониядә татар теле буенча китапларны, дәреслекләрне табарга мөмкин түгел иде. Димәк, татар дөньясы японнарга әлегә кадәр таныш түгел дигән фикер туды. Әлеге хезмәтебездә төрки дөнья, бигрәк тә татар халкы, Татарстанның төрле шәһәрләре, авыллары чагылыш тапкан. “Tatarstan Fanbook” китабы япон халкында кызыксыну уятыр дигән өметтә калам”, – диде ул.

(Татар-информ)

 


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20