Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
31.05.2017

«Җырлы – моңлы балачак-2017» телевизион фестиваленең гала-концерты якынлаша

1 нче июнь – Халыкара балаларны яклау көнендә “Татарстан-Яңа Гасыр” телеканалы «Җырлы – моңлы балачак-2017» телевизион фестиваленең гала-концертын тәкъдим итә.

Быел 8 нче тапкыр «Җырлы-моңлы балачак» бәйгесе яшь башкаручыларны бергә җыя. 8 ел эчендә моңлы сандугачлар татар халык җырларын тамашачыга яңгыратты. Быелгы лауреатлар арасында 14 яше тулган җырчылар да бар. “Татар моңы” халыкара яшь башкаручылар бәйгесе нигезендә узган «Җырлы – моңлы балачак» телевизион фестиваленең гала-концерты иң яшь катнашучыларны да үзенә туплый. «Җырлы-моңлы балачак» фестиваленең иң кечкенә йолдызлары 4 – 5 яшьлек сабыйлар.

Безнең фестивальдә барлыгы 1000 нән артык бала катнашты. Ә кайбер катнашучылар елдан-ел остарып һәм шомарып килә. Аларны фестиваль белән бергә үсәләр дияргә мөмкин.

Нигә сөйләп торырга, 1 нче июнь – Халыкара балаларны яклау көнендә 15:50 сәгатьтә “Татарстан-Яңа Гасыр” телеканалында «Җырлы – моңлы балачак» телевизион фестиваленең гала-концертын карамыйча калмагыз.



www.tnv.ru - настройся на лучшее! Присоединяйтесь!