Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр
Хәбәрләр тасмасы
18.02.2016

Югары уку йортларын тәмамлап, авыл хуҗалыгына эшкә кайткан яшь белгечләр өчен быел 200 мең сум акча түләнәчәк

 ТР Авыл хуҗалыгы һәм азык-төлек министрлыгы тарафыннан кадрлар сәясәте өлкәсендә күпсанлы чаралар уздырыла. Бу хакта кичә министрлыкның коллегия утырышында билгеле булды.

Төп доклад белән ТР Премьер-министры урынбасары – авыл хуҗалыгы һәм азык-төлек министры Марат Әхмәтов чыгыш ясады. Аграр югары уку йортлары студентларына - авыл хуҗалыгы предприятиеләренең максатчан укытыла торган яшьләренә аена 10 мең сум күләмендә стипендия түләнә. Хәзерге вакытта мондый 100 дән артык кеше исәпләнә. Быелдан мондый ярдәм аграр техникум һәм көллият студентларына да күрсәтеләчкк.

Министр әйтүенчә, яшь белгечләр, вузларны тәмамлаучылар өчен быел 100 мең сум урынына 200 мең сум акча түләнәчәк. Белгечнең беренче эш елында бюджеттан өстәмә түләү МРОТ күләменә кадәр арттырылган (6204 сум); агросәнәгать комплексының иң яхшы белгечләренә 100 әр мең сум грант бирелә; торакка субсидия алганда өстенлек бирелә; быелдан башлап, ТР Президенты каршындагы Дәүләт торак фонды белән берлектә, арендалы торак программасы башлана.

“Республика районнарында авылларга кадрлар җәлеп итү юнәлешендә эзлекле эш алып барыла. Мисал өчен, Әтнә районында ел саен югары уку йортларын һәм техникумнарны тәмамлаган 10 нан артык чыгарылыш белгече эшкә урнаша. “Кушар” авыл хуҗалыгы кооперативында (җитәкчесе – Рузәл Хәйруллин) соңгы 5 елда 7 яшь белгеч эш белән тәэмин ителгән, хуҗалык яхшы гына үсеш ала”, - дип сөйләде Марат Әхмәтов.

Авыл җирлегеннән аграр вузларга укырга керүчеләр соңгы 3 елда 30 процентка арткан.

Коллегия утырышында катнашкан Татарстан Президенты Рөстәм Миңнеханов министрлык эшчәнлегенә бәя биреп чыгыш ясаганда кадрлар мәсьәләсе мөһимлеген ассызыклады. Ул билгеләп узганча, кызганычка каршы, чыгарылыш укучыларының 15 процентының гына авыл хуҗалыгы предприятиеләренә кире кайтуы билгеле. Р. Миңнеханов максатчан укытуга игътибарны арттыру зарурлыгын белдерде.

("Татар-информ")


www.tnv.ru - настройся на лучшее! Присоединяйтесь!

Комментарии:

Добавить свой комментарий:

Заголовок комментария:

Ваш ник:

Ваш e-mail:

Текст комментария:

Введите текст на картинке

1 2 3 4 5 6 7 8 9 10 11 12 13 14 15 16 17 18 19 20