Бүген: -- ------ 20-- --:--
Компания "Татарстан-Яңа Гасыр" телеканалы "ТНВ-Планета" телеканалы Безнең архив Хәбәрләр


Назад к списку

Гыймаев Радик

Вазыйфагыз: “Татарстан хәбәрләре” тапшыруының хәбәрчесе

Туган көнегез: 1977 елның 8нче феврале, Тукай районы 

Балачакта кем булырга теләгән идегез: табиб, соңрак мөгаллим, тагы да соңрак ТВ дикторы (бәхеткә, соңгы икесе тормышка ашты). 

Белемегез: югары, Алабуга дәүләт педагогия институты, татар теле һәм әдәбияты, инглиз теле укытучысы (чит телне елдан артык мәктәптә укытырга туры килде). 

Телевидениегә ничек эләктегез: 2001 елда “Чаллы” телерадиокомпаниясендә уздырылган конкурста “Күңел” радиосы ди-джее итеп алдылар, ике айдан яңа телевидение проекты - “Хәерле иртә, Чаллы!” тапшыруын алып баруга билгеләделәр. Соңгы елларда “Яңалыклар” программасы мөхәррире һәм алып баручысы идем. 2007 елның сентябреннән "Татарстан - Яңа Гасыр"га күчәргә тәкъдим иттеләр. Гаиләм белән киңәшләшкәннән соң, риза булдым. 

Иң яратканыгыз: билгеләгән эшләрнең план нигезендә зур каршылыкларсыз тормышка ашуы.  

Нәрсә ачуыгызны чыгара: вәгъдәсен үтәмәгән кешеләр, салкын һава торышын яратмыйм. 

Сезнеңчә, профессиональлек нәрсә ул: сиңа билгеләгән эшне тел-теш тидермәслек итеп башкару, гәрчә һәркемгә дә берьюлы ошау мөмкин түгел. 

Хыялыгыз: оныкларым минем белән горурлансыннар иде. 
Тормыш максаты: гаиләмнең мәнфәгатьләрен кәнәгатьләндерү, балалар киләчәген ныклы итү. 

Тормышта иң зур уңышыгыз: Ходай тарафыннан күңелем яткан эшне башкара алу мөмкинлеге бирелде. Мондый бәхет күпләргә тәтеми бит. 

Күңелегезне төшергән иң зур нәрсә: андый вакытлар була инде ул, бәхеткә, күңелдә сакланып калмыйлар. Организм үзен-үзе саклый, ахыры. 

Мавыгуларыгыз: артык мавыгулар юк, башны ял иттерүче комедияләр карарга яратам, тиз укылучы “кесә китаплары”н. 

Тормыш мәгънәсе: 2007 елның февралендә улым Камил туу белән дөнья аның тирәсендә әйләнә башлады. Сабый белән бергә тормыш мәгънәсе дә үзгәрә икән... 

Гаилә хәле: өйләнгән, тормыш иптәшем, гомерем чәчәге - Лилия.  

Тормышның барлык очракларына да киңәшегез: ни генә булмасын, тормышыгызда үзгәрешләр күзәтелмәсен, барысы да яхшы булачак. 

"Татарстан - Яңа Гасыр" тамашачыларына теләкләрем... гомер юлыгызда уңышсызлыклар азрак очрасын. Планнарыгыз изге икән, алар тормышка ашсыннар. Моның өстенә сәламәтлек тә зарланырлык булмасын, шул чакта сезнең һәммәсе ал да гөл булыр.

Золотая сотня. Предприниматель года. Очередной этап Международного музыкального конкурса «Silk Way Star»