Казанда майга кадәр ике урамда хәрәкәт чикләнә

Казанда Сыртланова һәм Хөсәен Мәүлүтев урамнарында транспорт хәрәкәтен чикләү озайтылды. Бу суүткәргечне реконструкцияләү эшләре белән бәйле, дип хәбәр итә шәһәр мэриясе матбугат хезмәте.

13 майга кадәр Сыртланова урамында Хөсәен Мәүлүтев урамы белән кисешкән урын янында, шулай ук Х.Мәүлүтев урамындагы 17 нче йорт районында автомобильләр юлы өлешчә ябылган. Х.Мәүлүтев урамындагы 17е йортның 3 нче корпусы тирәсендә транспорт юлы өлешчә чикләнгән, ә 17е йортның 2 нче корпусы янында җирле юл – тулысынча һәм автомобильләр юлы өлешчә ябык.

Фото: ТНВ