12 апрельдә Казан телеманарасы бәйрәмчә яктырачак

Бүген, Космонавтика көне уңаеннан, Казан телеманарасы бәйрәмчә яктырачак. Бу хакта шәһәр мэриясе матбугат хезмәте яза. 

Күпчелек шәһәрләрдә, шул исәптән Казанда да, йолдызлы күк һәм беренче космонавт Юрий Гагарин фотосурәте күрсәтеләчәк.

1961 елның 12 апрелендә Совет космонавты Юрий Гагарин Восток-1 космик корабында тарихта беренче тапкыр җирне орбиталь әйләнеп чыга.

Фото: kzn.ru