Татарстанда үлемгә китерә торган төп өч сәбәпне атадылар

Татарстан халкы еш кына кан әйләнеше системасына бәйле авырулардан, онкологиядән һәм башка сәбәпләр аркасында үлә. Бу хакта ТР Сәламәтлек саклау министрлыгы башлыгы Марсель Миңнуллин хәбәр итте.

Ведомство җитәкчесе аңлатканча, тышкы факторларга - аварияләр, бәхетсезлек очраклары, эчкечелек һәм медицина белән бәйле булмаган үлем очраклары керә.

Миңнуллин сүзләренчә, Татарстанда Идел буе федераль округында үлем күрсәткече иң түбәне — 1000 кешегә 10,8 очрак.

Фото: ТНВ