Соңгы атнада Татарстанда ОРВИ һәм грипп белән авыручылар саны ике тапкырга арткан

Яңа эш атнасы Казан сырхауханәләрендә чиратлардан башланды. Соңгы атнада Татарстанда ОРВИ һәм грипп белән авыручылар саны ике тапкырга арткан.

Республика буенча 16 меңнән артык кеше табибларга мөрәҗәгать итә. Алар нигездә, хәлсезлек, температура, ютәл кебек билгеләр белән килә. Шимбә көнне Хөкүмәт йортында узган киңәшмәдә Рөстәм Миңнеханов мәктәпләрдә фильтр аша үткәрүне яңадан башларга һәм оешмаларда контрольне көчәйтергә кушкан иде. Ул шулай ук Татарстанлыларга прививканы вакытында ясатырга киңәш итте. Тулырак ТНВ хәбәрчесе Лиана Бәхтиева.