Татарстанда бума ютәл - коклюш белән авыручылар саны 1 300гә җитеп килә

Татарстанда бума ютәл - коклюш белән авыручылар саны 1 300гә җитеп килә. Бу - былтыргы белән чагыштырганда 160 тапкырга артыграк!

Иң соңгы саннарны Роспотребнадзорның Татарстан буенча идарәсендә хәбәр иттеләр. Бу үзгәрешне берничә сәбәп белән аңлаталар. Әйтик, ата-аналарның сабыйларына прививка ясатмавы. Аны бала кечкенә чакта - бер яшькә кадәр кадатырга кирәк. Шулай ук, 2 ел дәвамында ковид пандемиясе дә йогынты ясаган. Ни өчен бума ютәл гадәти йөткерүдән куркыныч? Аларны ничек аерырга? Һәм коклюшны ни өчен 100 көнлек авыру диләр? Бу хакта ТНВ хәбәрчесе Рания Абдрахманова тулырак сөйләр.