Бүгенге көндә Татарстанда 1 300 табиб җитми

Татарстанда бүген 1300 табиб җитми. Район, авыллардагы хастаханәләргә кайтып эшләүчеләргә ихтыяҗ аеруча зур. Медицина югары уку йортларына керүчеләрнең 10 проценты беренче елда ук укуын ташлый.

Кадрлар кытлыгын хәл итү, һөнәргә игътибарны җәлеп итү өчен республикада "Ак халатлы фәрештәләр" дип аталган фестиваль үтә. Быел ул 12нче тапкыр уздырылачак. 3 февралдән 15 февральгә кадәр мәктәп укучылары медицина үзәкләренә килеп, табиблар эше белән таныша, лекцияләр тыңлый, махсус аппаратларда эшләп карый алачак.

Табиб һөнәре белән мәктәп бусагасыннан кызыксындыру алымнары турында Фәйрүзә Мәҗитова репортажында.