Казанда Равил Фәйзуллинның юбилей кичәсе узды - видео

Кичә Габдулла Тукай исемендәге Татар дәүләт филармониясендә Татарстанның халык шагыйре Равил Фәйзуллинның «Тагын килде язлар» дип аталган юбилей кичәсе узды.

Аңа 80 яшь тулу уңаеннан оештырыла. Равил Фәйзуллинны бүгенге заман классигы, диләр. Ул Габдулла Тукай, Муса Җәлил, Гаяз Исхакый премияләре лауреаты. 50дән артык китап авторы.

Беренче шигырьләрен бала чагында иҗат итә башлый. Аның шигырьләренә Рөстәм Яхин, Сара Садыйкова, Фасил Әхмәтовлар көйләр язган.