Татарстанда массакүләм чаралар оештырганда иминлек таләпләрен көчәйтә башладылар

Татарстанда массакүләм чаралар оештырганда, шул исәптән, сәүдә-күңел ачу үзәкләрендә, җәмәгать транспортында, коммуникация һәм элемтә объектларында, кеше гомере һәм сәламәтлегенә зыян килү куркынычы зур булган предприятиеләрдә иминлек таләпләрен көчәйтә башладылар.

Мондый күрсәтмәне Республика Рәисе Рөстәм Миңнеханов биргән иде. Бу көннәрдә террорчылыкка каршы чараларга зур игътибар ясала. Казанның кайсы оешмаларында саклык алымнарын ныгыта башлаганнар һәм ничек итеп? Моны Рания Абдрахманова белеште.