Татарстанда һава шартлары бозыла!

Татарстанда беренче яшеннәр һәм көчле җил көтелә. Бу турыда Татарстан халкын ТР Гидрометеорология һәм әйләнә-тирә мохит мониторингы идарәсе белгечләре кисәтте.

Ведомство хәбәр иткәнчә, бүген кичке якка һәм кич, шулай ук җомгага каршы төндә, 12 апрельдә ТР территориясендә, шул исәптән Казанда да, урыны белән яшен көтелә.

Моннан тыш, ТР территориясендә урыны белән 15-18 м/с (Казанда 15 м/с кадәр) көчле җил көтелә.

Фото: freepik.com