Тормышны икегә бүлгән бәла: Оренбург фаҗигасы һәм халыкка ярдәм кәрваннары

Оренбург өлкәсендә булган хәлләр безнең көннәрнең зур фаҗигасы! Анда атна башыннан үзебезнең иҗат төркеме эшләде. Күршеләрнең шундый бәлага таруы, бәланың котылгысызлыгы, зыянның бик зур булуы берәүне дә битараф калдырмый.

Без авыр чакта кемгә генә ярдәм итмәгән? 2021дә Омск өлкәсенең Каракүл авылы янгач, татар дөньясы булышырга алынды. Курган өлксендә Йолдыз авылын ут юк иткәч, ярдәм колачлы булды. Оренбург өлкәсендә 116 мең татар яши. Су басу зонасына эләккән татар авыллары бар. Халкыбыз тарихы белән бәйле тарихи мирас объектларына зыян килгән.