Татарстанда коррупция белән бәйле 913 җинаять ачыкланган

Кайбер табиблар бушлай күрсәтергә тиешле медицина ярдәме өчен акча сорый, берничә укытучы ялган диплом сатып ала, депутатларның кайберләре керемен яшерә.

Кичә коррупциягә каршы көрәшүчеләр 2023нче елда бу өлкәдәге вәзгыять турында сөйләде. Татарстанда коррупция белән бәйле 913 җинаять ачыкланган. Шуларның яртысы диярлек ришвәтчелек. Ул нигездә мәгариф, сәламәтлек саклау һәм торак коммуналь хуҗалык тармакларында теркәлә. Бу хакта тулырак Инзилә Хөсәенова репортажы.