Яшел Үзән районында булган коточкыч авариядә ике кеше һәлак була

Казан белән Йошкар-Ола арасында килеп чыккан һәлакәттә ике кеше һәлак була. Бу - соңгы ике атнада Яшел Үзән районындагы шундый икенче җитди юл-транспорт һәлакәте, бу атнада Нурлат районында да авариядә өч кеше үлгән иде.

Кичә "Мерседес" автомобиле "узарга ярамый" дигән урында каршы як полосада була һәм сулга борылучы Нива машинасына бәрелә. "Нива" тимер өеменә әйләнгән. Анда утырган урманчыларның исән калу ихтималы булмаган диярлек.

Чит ил машинасын йөртүче узган елдан алып, 155 тапкыр штрафка тартылган. Димәк, ким дигәндә 3 көнгә бер тапкыр кагыйдә бозган.