Яшел Үзәннең Горький исемендәге заводында җыелган ике корабны суга төшерделәр

Җиңү көне алдыннан Татарстанның хәрби-сәнәгать комплексы өчен - зур вакыйга! Кичә Яшел Үзәннең Горький исемендәге заводында җыелган ике корабны суга төшерделәр. «Виктор Великий» һәм «Тайфун» дип аталган суднолар.

Алар Бөек Җиңүнең 79 еллыгы уңаеннан кулланылышка тапшырыла. Берсе хәрби-диңгез базаларына озатыла. Су өстендә килеп чыккан фаҗигаләр вакытында кешеләрне коткару өчен кирәк. Икенчесе - диңгездә хәрби хезмәттә булачак. Инзилә Хөсәинова репортажы.