Яшел Үзән районы татар апалары ничек спорт белән шөгыльләнә?

Арыш кырларын ярып, велосипедта җилдерәләр, авылның бер очыннан икенчесенә скандинавия таяклары белән йөреп узалар, 81 яшьтә шпагатка утыралар!

Боларның барысы да Яшел Үзән районы Норлат авылы әбиләре хакында. 4 ел элек Ләлә Һәдипова исемле ханым "Яшь йөрәкләр" берләшмәсен булдыра. Авыл пенсионерларын җыеп, спорт белән шөгыльләндерү, концертлар оештыру өчен. Узган ел тәвәккәл төркем Россия Президентының ярты миллионлык грантын да ота. Аны нәрсәгә тоталар? Тынгы белмәс супер-әбиләр ничек яшьләрчә күңел ача белә? Айгөл Бәдретдинова күреп кайтты.