Алтынга тиң бәрәңге! Ни өчен үзебезнең яшелчә читтән кергәне кебек арта?

Татарстанда бер ел эчендә бәрәңге хакы 3 тапкырга арткан. Бу - Татарстанстат мәгълүматы. 

Хәзер бәрәңгенең килограммы уртача 63 сум тора. Ярминкәләрдә - 40, кибетләрдә 80гә сатып алырга була. Хакы шулай "уйнап" торганлыктан, Россиядә кайбер депутатлар - әлеге яшелчәгә бәя көйләүне дәүләт үз кулына алырга тиеш, дип саный. 

Бу нибары тәкъдим генә. Аңа карата фикерләрне Гөлназ Сәйфетдинова туплады.