Казанның беренче вице-мэры итеп кабат Денис Калинкин сайланды

Бүген башкала Ратушасында узган бишенче чакырылыш Казан шәһәре Думасының беренче сессиясендә Казан муниципаль берәмлеге Башлыгы урынбасарлары сайлап алынды.

Кандидатларны Казан мэры Илсур Метшин тәкъдим итте.

Депутатларның ачык тавыш бирү нәтиҗәләре буенча Казан муниципаль берәмлеге башлыгының беренче урынбасары итеп Денис Калинкин, шәһәр муниципаль берәмлеге башлыгы урынбасарлары итеп Евгения Лодвигова һәм моңа кадәр Казан Башкарма комитеты җитәкчесе урынбасары вазифасын үтәгән Гүзәл Сәгыйтова билгеләнде. Утырышта Казан шәһәре Думасы сәркатибе вазифасына Альбина Рәфыйкова сайланды, дип хәбәр итә шәһәр мэриясе матбугат хезмәте.

Фото: kzn.ru