Татарстан Дәүләт Советында язгы сессия утырышлары ачылды

Бүгеннән Татарстан Дәүләт Советында язгы сессия утырышлары ачылды. Депутатларның декабрьдән бирле җыелганы юк иде.

Ел башы булганлыктан, төрле министрлык һәм оешма җитәкчеләренең узган елга хисабын тыңлыйлар. Кичә парламентка Эчке эшләр министры вазыйфаларын башкаручы - Алексей Соколов килде. Аның чыгышы зур кызыксыну уятты. Чөнки Республикада җинаятьләрнең кайбер төрләре арткан. Телефон аша мошенниклар көн саен 10 миллион сум акча урлый. Тумаган баланы туган дип күрсәтеп, Ана капиталы акчасын алалар. Балалар җинаятькә ешрак җәлеп ителә.

Сессия утырышыннан Фәйрүзә Мәҗитова.