Элвин Грей кире кайткан?

Татарстанның һәм Башкортстанның атказанган артисты Радик Юльякшин (Элвин Грей) яңа концерт сезоны алдыннан чәчләрен буяткан.

"Элек мин Радик идем. Ак Элвин Грей кире кайтты. Җәй буе чәчләрем ял итте", - дип сөйли җырчы.

Исегезгә төшерәбез, Элвин Грей исеме астында чыгыш ясаучы Радик Юльякшинга "Татарстан Республикасының атказанган артисты" исеме бирелде. Бүләкләү тантанасы Мәскәүдә Татарстан Республикасы Мәдәният көннәре кысаларында сәнгать осталарының гала-концертында узды. Бүләкне Татарстан Президенты Рөстәм Миңнеханов тапшырды.

Элвин Грей Мәскәүгә күченүе турында һәм милли телләрдә иҗат итүне туктатуын, татар һәм башкорт эстрадасыннан китүен хәбәр иткән иде.

Фото: t.me/elvin_grey_music_official