Вадим Захаров: "Мин фонограммага җырларга оялыр идем"

ТНВ каналында чыгучы «Әй, язмыш, язмыш» тапшыруында кунакта Татарстанның халык артисты Вадим Захаров булды.

«Хәзер тавыш белән генә алып булмый, заманасы бүтән. Шулай да мин үземне сәхнәдә тавышсыз күз алдына китерә алмыйм. Мин фонограммага чыгып җырларга оялыр идем. Аңа үзенә бер профессионал буларга кирәк. Мин үземне алай күз алдына китерә алмыйм. Бер халык җырчысы «Әгәр дә җырчы халыкны тавышы белән селкетә алмый икән, үзе сикерә башлый», дип әйткән иде», — дип сөйләде Вадим.